Ամերիկյան խոշորագույն նավթային ընկերություն Exxon Mobil-ը պատրաստվում է լքել Ադրբեջանում խոշոր նավթային նախագիծը: Այս մասին հայտնում է Reuters-ը՝ վկայակոչելով նավթային ոլորտում աղբյուրներին:
Ըստ տեղեկությունների՝ խոսքը միջազգային կոնսորցիումից Exxon Mobil-ի դուրս գալու մասին է, որը Ազերի-Չիրագ-Գյունեշլի բլոկում նավթի հանքավայր է շահագործում: Սա կապված է իր գլոբալ գործարքները վերանայելու ընկերության մտադրությունների հետ:
Exxon Mobil-ը նախատեսում է «Դարի պայմանագրում» իր 6,8 տոկոս բաժնեմասը վաճառել եւ դրա դիմաց ստանալ 2 մլրդ դոլար:
Միաժամանակ, Exxon Mobil-ի մամուլի քարտուղար Ջուլիա Քինգը հրաժարվել է այս հարցը մեկնաբանելուց. «Մենք տարատեսակ լուրերը չենք մեկնաբանում»:
Այս տեղեկությունը դեռեւս չի մեկնաբանել նաեւ SOCAR-ը:
