Սերգեյ Փարաջանովի տուն-թանգարանում այսօր՝ դեկտեմբերի 4-ին, անցկացվել է Եվրոպական կինոյի փառատոնի մրցանակների հանձնման հանդիսավոր արարողությունը։
Փառատոնի ընթացքում ներկայացվել են 11 նոր եվրոպական ֆիլմեր։ Ֆիլմերը ցուցադրվել են նաեւ մարզերում։
Մրցանակները հանձնվել են հետեւյալ անվանակարգերում՝ EU & ME լուսանկարների մրցույթ, լավագույն սցենարների եւ վավերագրական ֆիլմերի մրցույթ։
Փառատոնի շրջանակներում բրիտանացի կինոմատոգրաֆ Փոլ Ֆրեյզերը 5-օրյա սեմինար է անցկացրել սցենարիստների համար։ Այդ սեմինարի արդյունքերով՝ ՀՀ-ում Մեծ Բրիտանիայի դեսպան Ջուդիթ Ֆարնուորթը մրցանակները հանձնել է Հարություն Վիրաբյանին, Նաիրի Խագվերդիին, Արտավազդ Եղիազարյանին։
Իր հերթին շվեդ կինոռեժիսոր Ջոանա Բերնհարդսոնը եռօրյա սեմինար է անցկացրել TUMO-ի ուսանողների համար վավերագրական ֆիլմերի հետ աշխատանքի հմտությունները բարելավելու թեմայով։
Երեւանում Շվեդիայի դեսպանատան գործերի հավատարմատար Մարտին Ֆրեդրիկսոնը մրցանակ է հանձնել է Վահե Սարգսյանին, Մարինե Սարգսյանին, Լիա Կարապետյանին։
ՀՀ-ում ԵՄ դեսպան Պյոտր Սվիտալսկին նշել է, որ այս փառատոնը նորություն է մտցրել Հայաստանում մշակութային միջոցառումների զարգացման գործում եւ օգտակար է հայկական լսարանի համար։ «Ինչպես ես նախկինում խոսք էի տվել՝ եվրոպական ֆիլմերը հատուկ կարգավիճակ ունեն եւ դրանք երբեմն այդքան էլ հեշտ չէ հասկանալ»,-նշել է դեսպանը։
