ԼՂՀ նախագահ Բակո Սահակյանը փետրվարի 18-ին այցելել է Մարտակերտի շրջանի Վանք գյուղ եւ մասնակցել բարերար Լեւոն Հայրապետյանի ֆինանսավորմամբ կառուցված հիվանդանոցի նոր շենքի բացման արարողությանը:
ԼՂՀ նախագահի մամուլի գրասենյակից NEWS.am-ին հայտնում են, որ բարձր գնահատելով նոր բուժհաստատության նշանակությունը Վանք գյուղի եւ շրջակա բնակավայրերի բնակչության առողջության պահպանման գործում, Բակո Սահակյանը շնորհակալություն է հայտնել բարերարին Արցախին մշտապես աջակցելու համար՝ այն համարելով կարեւոր հայրենանվեր գործունեություն:
Արարողությանը մասնակցել են Արցախի Հանրապետության Ազգային ժողովի, կառավարության անդամներ, հյուրեր Հայաստանից եւ արտերկրից: