ՆԱՏՕ-ն պաշտոնապես Ռուսաստանին մեղադրել է Փոքր եւ միջին հեռահարության հրթիռների պայմանագրի խախտման մեջ՝ տեղեկացնում է Reuters-ը։
«Դաշնակիցները եկել են այն եզրահանգման, որ Ռուսաստանը ստեղծել եւ թողարկել է Novator 9M729 համակարգի հրթիռներ, ինչը ՓՄՀՀՊ-ի խախտում է եւ եվրատլանտյան անվտանգության համար զգալի վտանգներ է ստեղծում»,- համատեղ նիստի արդյունքում հայտարարել են ՆԱՏՕ-ի անդամ-երկրների ԱԳ նախարարները։
«Մենք հաստատակամորեն համաձայն ենք Միացյալ Նահանգների հետ, որ Ռուսաստանը խախտում է ՓՄՀՀ պայմանագրով նախատեսված իր պարտավորությունները»,- ասվում է հայտարարության մեջ։
