ՆԱՏՕ-ն պետք է պատրաստ լինի նրան, որ Փոքր եւ միջին հեռահարության հրթիռների պայմանագրի գործողությունը կդադարեցվի՝ երեքշաբթի հայտարարել է ՆԱՏՕ-ի գլխավոր քարտուղար Յենս Սթոլթենբերգը՝ տեղեկացնում է «Ինտերֆաքսը»։
Նրա խոսքերով՝ «մենք առանց այդ պայմանագրի պետք է պատրաստվենք խաղաղության»։ Նա նշել է, որ Ռուսաստանն ունի վերջին հնարավորությունը՝ ցույց տալու, որ իրենք պահպանում են ՓՄՀՀՊ-ի դրույթները։
Սթոլթենբերգը նաեւ ընդգծել է, որ Ռուսաստանի կողմից պայմանագրի խախտումները «բավական ակնհայտ» են։ «Մենք ափսոսում ենք, որ ՓՄՀՀՊ-ն, ամենայն հավանականությամբ, կդադարեցնի իր գոյությունը»,- հավելել է նա։
Ավելի վաղ ԱՄՆ պետքարտուղար Մայք Պոմպեոն հայտարարել էր, որ կոչ է անում Ռուսաստանին երկու ամսվա ընթացքում վերադառնալ պայմանագրի կատարմանը, այլապես ԱՄՆ-ը կսկսի պայմանագրից դուրս գալու գործընթացը։