Բիզնեսում պետք է խաղի կանոններ լինեն եւ դրանց պետք է հետեւել: Դեկտեմբերի 5-ին մամուլի ասուլիսի ժամանակ այս մասին հայտարարեց Ռուսաստանի առեւտրային ներկայացուցիչ Անդրեյ Բաբկոն՝ ամփոփելով 2018 թվականի գործունեության արդյունքները եւ մեկնաբանելով հանրապետությունում գործարար միջավայրը:
«Այժմ ընտրությունների արդյունքներին ենք սպասում, քանի որ անհրաժեշտ է, որ նոր կառավարչությունը լիարժեք աշխատանք սկսի առեւտրատնտեսական ոլորտում», -ասաց Բաբկոն:
Նրա խոսքով, բացի ռուսական կապիտալով ձեռնարկություննեորից, երկիր են այցելում նաեւ պատվիրակություններ եւ բիզնես առաքելություններ գործընկերներ գտնելու, համագործակցելու եւ առեւտրափոխանակություն կատարելու նպատակով: Ըստ Բաբկոյի, տարբեր ոլորտներում եւ արդյունաբերությունում, իրավիճակը փոխվում է դեպի լավը:
«Հարցն այն չէ, թե ովքեր են պաշտոններին: Մեզ համար կարեւոր է, որ նա, ով կլինի, որոշումներ ընդունի եւ մենք կատարենք խոստացածը», - հիշեցրեց նա:
«Բիզնեսը շատ նուրբ գործ է: Կախված նրանից, թե ինչպես դրան կվերաբերվեն տեղում, այնպես էլ այն կզարգանա», -նկատեց Բաբկոն:
Շարունակելով ներդրումների արտահոսքի մասին նախկինում արված մեկնաբանությունը, նա հավելեց, որ խոսքը զանգվածային լուրջ երեւույթի մասին չէ:
«Այո, նման երեւույթ նկատվում է, սակայն ճիշտ մոտեցման եւ բարենպաստ պայմանների պահպանման դեպքում, իրավիճակը կփոխվի: Խոսքը ոչ միայն ռուսական կապիտալի մասին է, իրավիճակը ցանկացած ներդրողի համար նույնն է՝ ինչպես արեւմտյան, այնպես էլ ասիական», - պարզաբանեց Բաբկոն: