Հայկական «սեւ ուրբաթը» հեռու է համաշխարհային ստանդարտներից: Այս մասին դեկտեմբերի 5-ին ասուլիսում ասաց Սպառողների ազգային ասոցիացիայի նախագահ Մելիտա Հակոբյանը:
Նրա խոսքով, ըստ էության, արտադրանքի գների կտրուկ նվազեցման մասին խոսք չի եղել:
«Խոշոր խանութները «սեւ ուրբաթի» եւ ամոնորյա տոների նախօրեին բարձրացնում են գները, հետո իջեցնում՝ 50-60 տոկոս զեղչեր հայտարարելով, այսինքն, ըստ էության, ապրանքի գինը առավելագույնը 10-15 տոկոսով է նվազում », - ասաց նա:
Նա հավելեց, որ ՀՀ օրենսդրությամբ, ապրանքի զեղչերը չեն կարող 20 տոկոսից բարձր լինել, իսկ 50 եւ ավելի տոկոսի մասին գովազդային ցուցանակները մարքեթինգային քայլ են ընդամենը:
Խոսելով Նոր տարվա նախօերին ապրանքների թանկացումից՝ Մելիտա Հակոբյանը նկատեց, որ կթանկանա խոզի, ոչխարի միսը եւ որոշ մրգեր, սակայն քիչ:
«Ապրանքները ինչպես միշտ կթանկանան, բայց ավելի քիչ, քան առաջ», - հավելեց նա:
Ըստ փորձագետի հաշվարկների, Նոր տարուն մեկ մարդու համար պետք է մոտ 50 հազար դրամ ծախսել: