Եվրամիությունը սկսում է իր կազմից Մեծ Բրիտանիայի դուրս գալու պայմանների մասին համաձայնագրի ստորագրման պաշտոնական գործընթացը։ Այս մասին ասվում է Եվրահանձնաժողովի հայտարարության մեջ՝ տեղեկացնում է ՏԱՍՍ-ը։
Դրանում պարզաբանվում է, որ «Եվրահանձնաժողովը ընդունել է ԵՄ-ում գործընթացը սկսելու առաջարկը»։ Դա նշանակում է, որ Եվրամիությունն ու Եվրախորհրդարանը պետք է պաշտոնապես թույլատրեն համաձայնագրի կնքումը, որից հետո այն կարող է 2019թ․ մարտի 30-ին ուժի մեջ մտնել, եթե Բրիտանիան եւս հավանություն տա դրան։