ՆԱՏՕ-ի գլխավոր քարտուղար Յենս Սթոլթենբերգը անհանգստացած է կանոնավոր բանակ ունենալու Կոսովոյի ծրագրից։ Նա այդ նախաձեռնությունը համարել է անժամանակ եւ Բելգրադի ու Պրիշտինայի միջեւ ԵՄ-ի միջնորդությունը բարդացնող։
Դեկտեմբերի 14-ին Կոսովոյի խորհրդարանը մտադիր է քվեարկել երկրի անվտանգության ուժերը կանոնավոր բանակի վերածելու օգտին։ Սերբիայի պաշտոնատար անձինք պնդում են, որ բանակը կօգտագործվի Կոսովոյից սերբական փոքրամասնությանը վռնդելու համար, ինչը բազմիցս հերքվել է Կոսովոյի կողմից։