Aston Martin Works ընկերությունը դասական ավտոմեքենաները էլեկտրական մեքենաների վերածելու նոր տեխնոլոգիա է ներկայացնելու։ Այսպես կոչված «կասետային» մեթոդը թույլ կտա ներքին այրման ստանդարտ շարժիչը փոխել էլեկտրական շարժիչով, ապա ցանկության դեպքում կրկին տեղադրել ներքին այրման շարժիչը, փոխանցում է Autonews-ը։
«Կասետայի» կազմում ներառված են էլեկտրական ագրեգատ, կուտակիչների բլոկ եւ էլեկտրական մալուխներ՝ միավորված մեկ բլոկում։ Բացի այդ, մեքենայում տեղադրված կլինի հատուկ դիսփլեյ, որի օգնությամբ կարելի կլինի վերահսկել էլեկտրաէներգիայի բաշխումը։
Ընկերությունում նշել են, որ նոր համակարգը մշակվել է հին մեքենաների շահագործման արգելքից խուսափելու համար։
