Ադրբեջանը պաշտպանում է OPEC+-ի շրջանակներում նավթի արդյունահանման կրճատման գաղափարը: Այդ մասին մոնիթորինգային հանձնաժողովի նիստի շրջանակներում լրագրողներին հայտնել է Ադրբեջանի էներգետիկայի նախարար Փարվիզ Շահբազովը, հաղորդում է haqqin.az-ը:
«Այո, կարծում եմ, որ մենք պետք է աշխատենք այդ ուղղությամբ», - ասել է նա՝ պատասխանելով այն հարցին, թե արդյոք Ադրբեջանը կողմ է OPEC+-ի շրջանակներում արդյունահանման կրճատման գաղափարին: Շահբազովը նաեւ հույս է հայտնել, որ մոնիթորինգային հանձնաժողովի նիստերից մեկը տեղի կունենա Բաքվում:
Ավելի վաղ OPEC+-ի նախարարները, այդ թվում ՌԴ-ի եւ Չինաստասնի, մոնիթորինգային հանձնաժողովի նիստին համաձայնել էին նավթի արդյունահանման կրճատմանը:
Արդյունահանման կրճատման դիսկուրսի առաջատարները Ռուսաստանն ու Սաուդյան Արաբիան են, որոնք շահագրգռված են՝ նավթի գների նվազեցման համար: Մինչ այդ, ԱՄՆ նախագահ Դոնալդ Թրամփը OPEC երկրներին կոչ էր արել հրաժարվել նավթի արդյունահանման կրճատման գործարքից `վառելիքի ցածր գները պահպանելու համար:
