Ֆրանսիական կողմը դեռեւս չի արձագանքել Ադրբեջանին ՀՕՊ համակարգեր մատակարարելու հետ կապված հարցումին:
Համապատասխան տեղեկությունը ադրբեջանական լրատվամիջոցներում հրապարակվել էր դեկտեմբերի 3-ին: Այս հարցի հետ կապված NEWS.am-ը դիմել էր Հայաստանում Ֆրանսիայի դեսպանատանը հարցումով, թե որքանով է տեղեկությունը համապատասխանում իրականությանը եւ ընդհանրապես Ֆրանսիայի քաղաքականությանը:
Ավելի վաղ Հայաստանում Ֆրանսիայի արտակարգ եւ լիազոր դեսպան Ջոնաթան Լակոտը հաստատել էր Ֆրանսիայի դեսպանատան օրեր առաջ կատարած հայտարարությունն այն մասին, որ Բաքվին զենք վաճառելու էմբարգոյի չեղարկման վերաբերյալ ադրբեջանական լրատվամիջոցներում տարածված տեղեկությունը իրականությանը չի համապատասխանում:
