Իրանի նկատմամբ սահմանված ամերիկյան պատժամիջոցները չեն ազդի Հայաստան–Իրան գազ–էլեկտրաէներգիա պայմանավորվածության վրա։ Այս մասին այսօր՝ դեկտեմբերի 6-ին, կառավարությունում լրագրողների հետ զրույցում ասաց Էներգետիկ ենթակառուցվածքների եւ բնական պաշարների նախարարի պաշտոնակատար Գարեգին Բաղրամյանը։
«Մենք հանդիպել ենք Պետդեպարտամենտի աշխատավորների հետ, ներկայացրել ենք խնդիրը, որ այդ նախագծում շուրջ 1 մլրդ դոլարի ներդրում ունի Հայաստանի Հանրապետությունը, դա էլեկտրահաղորդման գծերն են, ջերմակայանի կառուցումն է, եւ ներդրումների վերադարձն ապահովվում է գազ–էլեկտրաէներգիա գործարքի շրջանակներում, իրենք էլ դա ընդունում են, գործարքը ոնց կա, այդպես էլ շարունակվելու է»,–նշեց նա։