News
Լրահոս
News
Երեքշաբթի
Մայիս 21
Տեսնել լրահոսը


ՀԱՊԿ գլխավոր քարտուղարի պաշտոնը մեծ հաշվով ընդամենը առիթ է, որպեսզի խոսենք կազմակերպության անդամ պետությունների փոխադարձ պարտավորությունների հետ կապված գոյություն ունեցող խնդիրների մասին: Այս մասին, այսօր՝ դեկտեմբերի 6-ին, Սանկտ Պետերբուրգի հայ համայնքի ներկայացուցիչների հետ հանդիպման ժամանակ նշել է ՀՀ վարչապետի պաշտոնակատար Նիկոլ Փաշինյանը՝ անդրադառնալով Հավաքական անվտանգության պայմանագրի կազմակերպության գլխավոր քարտուղարի մասին հարցին:

«Մենք ուզում ենք ստանալ հստակ պատասխաններ: Որևէ մեկը մեզ չի կարող մեղադրել մեր դաշնակցային պարտավորությունները որևէ կետում չկատարելու մեջ: Հայաստանն ինչպես նախկինում, այնպես էլ հիմա ապացուցել է հավատարիմ դաշնակից լինելու փաստը: Ցավոք, սա չենք կարող ասել ՀԱՊԿ մեր բոլոր գործընկերների մասին, ուստի ասում ենք` եկեք պարզենք մեր հարաբերությունները՝ մենք դաշնակիցնե՞ր ենք, թե` ոչ, եթե դաշնակիցներ ենք, ապա պետք է կատարենք մեր բոլոր պարտավորությունները, բայց մեզ համար հասկանալի չեն այն գործողությունները, որոնք իրենց էությամբ հակասում են այդ պարտավորություններին:

Պետք է իմանանք՝ ում վրա կարող ենք հույս դնել, ում վրա` ոչ: Համոզված եմ, որ ՀԱՊԿ-ն կարող է թույլ չտալ Լեռնային Ղարաբաղի հակամարտությունը զինված մեթոդով լուծելու Ադրբեջանի գայթակղությունը: Հիմա հարց` ՀԱՊԿ-ն իր այդ գործիքը պատրաստվո՞ւմ է կիրառել, թե` ոչ: Սա մեզ համար ռազմավարական նշանակության հարց է: Գլխավոր քարտուղարի հարցը երկրորդական, երրորդական, նույնիսկ հիսուներորդական հարց է: Թող այնտեղ հավերժ լինի Բելառուսի ներկայացուցիչը, բայց մեր փոխադարձ բոլոր պարտավորությունները կատարվեն»,- ասել է Նիկոլ Փաշինյանը` ավելացնելով, որ լուրջ հարցեր կան ԼՂ-ի հետ կապված ՀԱՊԿ երկրների տեսլականի շուրջ այն ուղղությամբ, թե դա որքանով է բխում ռազմավարական գործընկերության բնույթից:

Վարչապետի պաշտոնակատարը հավելել է, որ մենք որպես ժողովուրդ պետք է մեր միջավայրը հասկանանք: «Երբ այս հարցերի համատեքստում հարաբերությունները հստակեցնենք, կարող եմ երաշխավորել, որ երբևէ մեր հարաբերություններում որևէ կնճիռ չի լինի: Մեզ պետք չեն ֆորմալ կարգավիճակներ, մեզ պետք են փոխադարձ պարտավորություններ և դրանց լիարժեք իրականացում»,-շեշտել է Նիկոլ Փաշինյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀԱՊԿ ԽՎ Խորհուրդը հավանություն է տվել Պոսպելովի նշանակմանը խորհրդաժողովի քարտուղարի պաշտոնակատար
Պոսպելովը նշանակվել է ՀԱՊԿ ԽՎ քարտուղարի պաշտոնակատար...
ՀԱՊԿ երկրները կարող են գլխավոր քարտուղարի հարցի շուրջ համաձայնության գալ. Զոհրաբ Մնացականյան
«Չկա որեւէ իրավիճակ, երբ մեր տարաձայնությունները լինեն մի մակարդակի, որը սպառնալիքի տակ կդնի համաձայնության գալու մեր կարողությունը»…
ՀԱՊԿ գլխավոր քարտուղարը պետք է բոլոր երկրների համաձայնությունն ունենա. Վլադիմիր Կարապետյան
ՀԱՊԿ գլխավոր քարտուղարը լինի Հայաստանից, թե մեր գործընկեր երկրներից, պետք է մեզ հետ աշխատի...
Ինչ կար, արդեն զիջել-պրծել եք. քամի մի արեք. Աշոտյանը՝ ՀԱՊԿ գլխավոր քարտուղարի մասին
«Արդեն քանի օր է, ինչ իշխանական քարոզչամեքենան տեղեկատվական հող է նախապատրաստում մայիսի 22-ին...
ՀԱՊԿ գլխավոր քարտուղարի հարցում հայկական կողմի դիրքորոշումը չի փոխվել. Ռուբինյան
Եվ մենք մեր դիրքորոշումը հայտնել ենք, որ մենք այստեղ գործ ունենք չկարգավորվածության հետ եւ անհրաժեշտ է դա կարգավորել աշխատանքային կարգով...
ՀԱՊԿ-ը մայիսի 17-ին կքննարկի գլխավոր քարտուղարի պաշտոնում Բելառուսի ներկայացուցչի նշանակման հարցը
ՀԱՊԿ նիստում կքննարկվի գլխավոր քարտուղարի նշանակման հարցը...