Չինական Huawei հեռակոմունիկացիոն հսկայի հիմնադրի դուստրը Կանադայում ձերբակալվել է։ Նրան կարող են ԱՄՆ արտաքսել՝ տեղեկացնում է BBC-ն։ Մեն Վանչժոուն, ով հանդիսանում է ընկերության գլխավոր տնօրենի տեղակալը եւ միաժամանակ ֆինանսական տնօրենը, դեկտեմբերի 1-ի ձերբակալվել է Վանկուվերում։
Ձերբակալության մանրամասները հայտնի չեն, սակայն ԱՄՆ-ում հետաքննում են ընկերության կողմից Իրանի հանդեպ պատժամիջոցները խախտելու գործը։ Կանադայում Չինաստանի դեսպանությունը իր բողոքն է հայտնել Մեն Վանչժոուի ձերբակալման կապակցությամբ եւ պահանջել է ազատ արձակել նրան։
Ձերբակալությունը համընկել է արեւմտյան երկրներում Huawei-ի արտադրանքի օգտագործումը սահմանափակելու նախաձեռնության հետ։ ԱՄՆ-ը, Ավստրալիան եւ Նոր Զելանդիան պայմանավորվել են չօգտագործել ընկերության արտադրանքը։