Ես համագործակցել եմ, համագործակցում եմ եւ համագործակցելու եմ պարոն Նիկոլ Փաշինյանի հետ։ Այս մասին այսօր՝ դեկտեմբերի 7-ին, լրագրողների հետ զրույցում հայտարարեց «Բարգավաճ Հայաստան» կուսակցության առաջնորդ Գագիկ Ծառուկյանը։
Հարցին՝ եթե չանցնի Ազգային ժողով, պատրաստվում է հեռանալ քաղաքականությունից եւ զբաղվել գործարարությամբ, նա պնդեց՝ գործարար չէ, խոշոր սեփականատեր է, ապա համոզմունք հայտնեց, որ աշխարհում ամենակայացած քաղաքական գործիչները խոշոր սեփականատերերն են. «Աշխարհում արգելված չէ, որ սեփականատերը կարող է քաղաքականությամբ զբաղվել, ամենահաջող քաղաքական գործիչներն աշխարհում սեփականատերերն են, նրանք ամեն ինչի հասել են եւ ուզում են պիտանի լինել իրենց ժողովրդին ու պետությանը, ոնց որ Բեռլուսկոնին, ոնց որ Թրամփը։ Թրամփի օրոք տնտեսական ճգնաժամի ու գործազրկության ամենացածր ցուցանիշն ա։ Ես դա ասում եմ չհասկացողների համար»,–նշեց նա։