News
Լրահոս
News
Հինգշաբթի
Փետրվար 21
Տեսնել լրահոսը

Ազգային ժողովի պատգամավոր Մարտուն Գրիգորյանը ֆեյսբուքյան իր էջում խորը վրդովմունք է հայտնել այսօր Գյումրիում 30-րդ տարելիցի կապակցությամբ տեղի ունեցած միջոցառման կազմակերպիչներին՝ ստեղծած անհարմարությունների համար։

Նա, մասնավորապես, գրել է.

«Ո՞վ էր այսօր Գյումրիում երկրաշարժի 30-րդ տարելիցի ոգեկոչման միջոցառման պատասխանատուն:

Տո, ա՛յ տղա էս, աղջիկ էս, տո, ա՛յ «խելոք», օր չիդես Գյումրին ու չես ճանչե գյումրեցուն, չիդես մերոնց պատիվը, նամուսն ու թասիբը, պատվախնդրությունը, ը՞նչի էիր գլխիցդ մեծ պատասխանատվություն վերցրե վրեդ, տո, ա՛յ…

30 տարվա մեջ առաջի անգամ ըսպես բան տեսանք: Գյումրեցիները, մարզի պատգամավորները, պաշտոնյաները իրանց զոհերի հիշատակին ծաղիկ խոնարհելու, հարգանքի տուրք մատուցելու համար, իրանց սեփական քաղաքի մեջ բդի գան, կանգնին, ցուցակների մեջ իրանց անունները ման գան, օր թողնին կամ չթողնին՝ չափառներից ներս մտնին կամ չմտնին, օր մոտենան հուշակոթողին կամ մոտենալուց հետո ինչ -որ մի ջահել զաբոռներից ներս էղած մարդկանց կտեղեկացնե, օր ըստեղ մենակ դիվանագիտական կորպուստը բդի կանգնի:

Հմի ըսածս ինչ է, տո, ա՛յ չակերտավոր դիվանագետներ, տո, այ՛ մարզային ու քաղաքային իշխանիկներ, տո, ա՛յ դեպուտատի թեկնածուներ, տո, ա՛յ դիվոտածներ, միջներդ մեկմ չկա՞ր «դուխով», օր կանգներ էս կազմակերպիչին ըսեր՝էս ինչ կենեք, ըսիգ մեր վիշտն է, ըսիգ մեր ցավն է, ըսիգ մեր 30 -ամյա տառապանքի ու մեր զոհերի հիշատակի օրն է, դուք ո՞ւր ըսպես բաներ կենեք: Սգացող ժողովրդին ընչի՞ կվիրավորեք, տո, ա՛յ կազմակերպիչ, ըդքան բանը չես հասկնա՞, օր եթե նախկին «չար» ու «քըխ» իշխանությանը չէին առանձնացնե ժողովրդից, գյումրեցիների կողմից սիրված ու ընդունած վարչապետին ը՞նչի էիք առանձնացրե, օ՞վ կամ ի՞նչը բդի սպառնար ժողովրդի վարչապետին:

Էլի լավ պրծանք, օր փշալարերով տարածքը չէիք առանձանցրե, որտեւ իրականում վտանգը «մեծ» էր, օր գյումրեցիները ծաղիկ դնելու համար կարող է չափառներից ներս «թռնեին»:

Հուսով եմ, էս ամեն ինչից հետեւություն կարվի ու կվերլուծվի՝ էս ամեն ինչը դիտավորություն էր, թե՞ պատահականություն, որ արվեց նոր իշխանության դեմ:

ՀԳ. Ներող կեղնիք, գյումրեցիներ ջան:

ՀԳ1.Չ՛քաղաքականացնել:

Խորին ցավակցություններս եւ հարգանքս իմ տանջված, համբերատար, զգայուն գյումրեցիներին, շիրակցիներին եւ լոռեցիներին:

Հավերժ հիշատակ մեր զոհերին»:

Տպել
Կարդացեք նաև
Ամբողջը
Փետրվարի 13-ից 19-ը տարածաշրջանում գրանցվել է 11 երկրաշարժ
Փետրվարի 14-ին Թուրքիայում՝ Վան քաղաքից 48 կմ հյուսիս-արեւմուտք 3 բալ ուժգնությամբ...
Թուրքիայում տեղի է ունեցել 5,5 մագնիտուդով երկրաշարժ
Այս պահին ավերածությունների եւ տուժածների մասին տեղեկություններ չկան…
Փետրվարի 5-ից 12-ը Հայաստանի եւ Արցախի տարածքում 3 բալ եւ ավելի ուժգնությամբ գրանցվել է 1 երկրաշարժ
Փետրվարի 6-ին ԱՀ-Ադրբեջան սահմանային գոտում՝ Քարվաճառ քաղաքից 15 կմ հյուսիս 2-3 բալ ուժգնությամբ...
Բենգալյան ծոցում 6,0 մագնիտուդով երկրաշարժ է տեղի ունեցել
Բենգալյան ծոցում Անդամանյան եւ Նիկոբարյան կղզիների շրջանում սեյմոլոգները 6,0 մագնիտուդով երկրաշարժ են գրանցել…
Իրանում երկրաշարժ է տեղի ունեցել. կան տուժածներ
Աղետի հետեւանքով երեք մարդ վիրավորվել է, այդ թվում՝ 17-ամյա աղջիկ…
Ինդոնեզիայի ափերին տեղի է ունեցել 5,7 մագնիտուդով երկրաշարժ
Այս պահին ավերածությունների եւ տուժածների մասին տեղեկություններ չկան…
Ամենաշատ