News
Լրահոս
News
Երկուշաբթի
Դեկտեմբեր 10
Տեսնել լրահոսը

ՀՀ քննչական կոմիտեի Տավուշի մարզային քննչական վարչությունում ավարտվել է իրացնելու նպատակով թմրամիջոց ապօրինի պատրաստելու, վերամշակելու, պահելու, փոխադրելու, ինչպես նաև՝ խոշոր չափերով թմրամիջոցների՝ առանց իրացնելու նպատակի ապօրինի շրջանառության դեպքի առթիվ հարուցված քրեական գործի նախաքննությունը. մեղադրանք է առաջադրվել Տավուշի մարզի 35-ամյա բնակչին:

ՀՀ Քննչական կոմիտեից NEWS.am-ին հայտնում են, որ իրականացված բազմակողմանի քննությամբ հիմնավորվել է, որ Տավուշի մարզի՝ 1983թ.  ծնված բնակիչը սեփական հողամասում մշտապես ցանել ու աճեցրել է կանեփ տեսակի բույս, որի տերևներից պատրաստել է թմրամիջոց, օգտագործել և հյուրասիրել է նաև հորաքրոջ որդուն:

Մասնավորապես՝ մինչդատական վարույթում ձեռք բերված փաստական տվյալների համաձայն՝ 2018թ. սեպտեմբերի 14-ին 35-ամյա տղամարդն իր սեփական հողամասի տարածքից իր կողմից ցանված, աճեցված և մշակված «կանեփ» տեսակի բույսից քաղել, պահել, չորացրել, պատրաստել և օրեր անց՝ սեպտեմբերի 20-ին, Այրում քաղաք է փոխադրել խոշոր չափերի՝ 49,9 գրամ հաստատուն քաշով «մարիխուանա» տեսակի թմրամիջոց, որից 3,75 գրամ հաստատուն քաշով թմրամիջոցն իրացրել է իր հորաքրոջ որդուն՝ ծնված 1990 թվականին: Վերջինս էլ նշված թմրամիջոցը փոխանցել է այրում քաղաքի՝ 1961թ. ծնված բնակչին, որպեսզի նա պահի իր այգու տնակում:

Բացի այդ, 35-ամյա տղամարդը 1,13 գրամ հաստատուն քաշով թմրամիջոց է պատրաստել նաև՝ հորաքրոջ՝ 28-ամյա որդուն հյուրասիրելու եղանակով ապօրինի իրացնելու նպատակով: Սակայն հանցագործությունն ավարտին չի կարողացել հասցնել, քանի որ հայտնաբերվել են ոստիկանության աշխատակիցների կողմից: Անձնական խուզարկությամբ 35-ամյա  տղամարդու մոտ հայտնաբերվել է 45,11 գրամ հաստատուն քաշով «մարիխուանա» տեսակի թմրամիջոց:

Ձեռք բերված ապացույցների հիման վրա՝ Տավուշի մարզի 35-ամյա բնակչին մեղադրանք է առաջադրվել՝ ՀՀ քրեական օրենսգրքի 266-րդ հոդվածի 1-ին մասով (2 դրվագ), 34-266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով: Նրա նկատմամբ որպես խափանման միջոց է կիրառվել ստորագրություն՝ չհեռանալու մասին:

Ինչ վերաբերում է Այրում քաղաքի՝ 1961 և 1990թթ. ծնված բնակիչներին, ապա  քննիչը որոշում է կայացրել՝ նրանց նկատմամբ քրեական հետապնդումը դադարեցնելու և ընտրված խափանման միջոցը վերացնելու վերաբերյալ՝ հիմք ընդունելով «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» 2018 թվականի նոյեմբերի 1-ին ընդունված ՀՀ օրենքի 2-րդ հոդվածի 5-րդ մասի 1-ին կետը, ինչպես նաև՝ ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասով:

Հայտարարվել է քրեական գործի նախաքննության ավարտի մասին, և քրեական գործը՝ մեղադրական եզրակացությամբ, ուղարկվել է դատարան:

 

Տպել
Կարդացեք նաև
Ամբողջը
Երեւանում թալանել են բնապահպանության նախարարի իրավախորհրդատուի Volkswagen Touareg-ը. վնասը՝ կես մլն դրամ
Անհայտ անձը կամ անձինք տեխնիկական միջոցների գործադրմամբ գողացել են իրենց շենքի բակում կայանված…
Արարատի մարզում բախվել են ցեմենտով բեռնված երկու «ԿԱՄԱԶ.-ներ. Վնասվել է գազի խողովակը. Կան վիրավորները (ֆոտո)
Ողջ գիշեր ու մինչեւ այս պահը Գազպրոմի ներկայացուցիչները փորձում են վերացնել վթարի հետքերը...
Ֆրանսիայում բողոքի ցույցերի ժամանակ ձերբակալվածների թիվը 1700-ից անցել է
Ոստիկանությունն ամենաշատ ձերբակալությունները կատարել է Փարիզում…
Ֆրանսիայում բողոքի ցույցերի ընթացքում ձերբակալվել է ավելի քան 1300 մարդ
Առավել մեծ թվով ցուցարարներ են ձերբակալվել Փարիզում՝ մոտ 1150 մարդ…
Սերժ Սարգսյանի եղբորորդուն դեռ Հայաստան չեն տեղափոխել. Օսիպյան
Ընթացքի մեջ է, համապատասխան փասատաթղթերը կհավաքվեն ու ՀՀ գլխավոր դատախազությունն արդեն զբաղվում է...
Երեւանում բախվել են BMW-ն ու Opel-ը. վարորդները տեղափոխվել են հիվանդանոց (ֆոտո)
Ոստիկանությունը պարզում է վարորդների ինքնությունը...
Partner news