«Մենք տեսանք, թե ինչպես այդ ուժը փողոցում թողնելով Նիկոլ Փաշինյանին, դավաճանելով կոալիցիոն գործընկերոջը՝ հայտնվեց խորհրդարանում եւ սկսեց խրատ կարդալ»։ Այս մասին իրենց ամփոփիչ ասուլիսի ժամանակ ասաց «Սասնա ծռեր» կուսակցության ընտրական ցուցակը գլխավորող Վարուժան Ավետիսյանը՝ նշելով, որ խոսքը գնում է «Լուսավոր Հայաստան» կուսակցության մասին։ 

Ավետիսյանը նախ ընտրությանը մասնակցող ուժերին բաժանեց երեք խմբի՝ ԼՀ–ին տեղավորելով «նախկինից ժառանգած տատանվող ուժեր»–ի խմբի մեջ. «Մենք ունենք 3 խումբ ուժ, որոնք մասնակցում են ընտրությանը. առաջինը՝ Մարտի 1–ի կոալիցիան է, հասկանալի է, որ իրավունքի տեսակետից մեր ժողովրդի վերաբերմունքը նրանց նկատմամբ միանշանակ է։ Նրանք նախ պետք է հայկական նյուրենբերգով անցնեն եւ եթե կանցնեն, դրանից հետո կարող են մասնակցել ընտրական գործընթացներին։ Նախկինից ժառանգած տանատվող ուժեր, որոնցից մեկը, ցավոք,  պետք է արձանագրել հետզհետե ավելի է երեւարվում, եւ ըստ մամուլում հրապարակվող, մեզ հայտնի դարձող լուրերի՝ փաստորեն խոսվում է այդ ուժի գաղտնի եւ բացահայատ օլիգարխիկ շրջանակի հետ կապերի մասին. խոսքը «Լուսավոր Հայաստան»–ի մասին է»։

Ըստ Ավետիսյանի՝ ստեղծվել է մտահոգիչ վճակ է. «Մեր պատկերացմամբ մոտ 2 տարի հետո կունենանք նոր Սահմանադրություն, Ընտրական օրենսգիրք, մեր քաղաքական դաշտը կբարեփոխվի։ Առայժմ այսպիսին են անցումային վիճակի բարդույթները»,–եզրափակեց Ավետիսյանը։