Ռոբերտ Քոչարյանը չսպասելով մինչեւ դատարանը իր որոշումը կուղարկի քննիչին, իսկ քննիչը որոշումով կգա իր հետեւից, ինքն ինքնուրույն որոշեց գնալ ԱԱԾ շենքում գտնվողն «Երեւան Կենտրոն» ՔԿՀ: Այս մասին լրագրողների հետ հանդիպման ժամանակ նշեց երկրորդ նախագահ Ռոբերտ Քոչարյանի պաշտպան Հայկ Ալումյանը՝ հավելելով, որ Քոչարյանը այս պահին այնտեղ է եւ սպասում, որ քննիչը բերի համապատասխան որոշումը:
«Դրա համար պարոն Քոչարյանն այս պահին այստեղ չի: Եթե նա ազատության մեջ լիներ, եւ ինքը որոշումը կայացնողը լիներ՝ գալ-չգալու, ես չգիտեմ ինքը կգար էստեղ, թե չէր գա, ես դա ասել չեմ կարող»,-ասաց Ալումյանը:
Նա ընդգծեց, որ այսօրվա դատական նիստին Գլխավոր դատախազը ներկա չի եղել: Ներկա չի եղել նաեւ Ռոբերտ Քոչարյանը
Անդրադառնալով իրենց կողմից ներկայացված միջնորդություններին, Ալումյանը նշեց, որ դրանք կապված էին ՍԴ դիմելու հետ. «Այդ միջնորդությունները դատարանը դրանց լուծում չտվեց, որոշեց վերջնական դատական ակտով դրանց լուծում տալ: Վերջնական դատական ակտը դեռ չունենք, չգիտենք, թե ինչ լուծումներ են տրված: Ակնհայտ է, որ մերժված են, բայց թե ինչ պատճառով, ասել չենք կարող: Ինչ վերաբերում է տեսանյութը դատարանուևմ հետաոտելու մեր միջնորդությանը, դատարանում այդ միջնորդությունը մերժեց, տեսանյութը չհետազոտվեց»: