Երկրաշարժի 30-րդ տարելիցին կառավարությունը արտագնա նիստ արեց Գյումրիում, օրակարգում՝ զեկուցվող երեք հարց։ Դեկտեմբերի 7-ը, որ հայտարարված էր հիշատակի օր, լրացվեց երկու բառով՝ հիշատակի և աղետներին դիմակայունության օր։
Պետերբուրգից վերադարձած Փաշինյանը այնտեղ ոչ պաշտոնապես հանդիպել է Ադրբեջանի նախագահին, զրուցել են գերիների փոխանակման շուրջ։
Փաշինյանը նաև խոստացած պարզաբանումն է պահանջել Լուկաշենկոյից՝ փակ նիստի հարցերը Ադրբեջանի դեսպանի հետ քննարկելու համար։ Եթե ոչ պատասխանը, ապա զրույցը բավարարել է նրան։
Վերաքննիչ դատարանը Ռոբերտ Քոչարյանի խափանման միջոցի հարցը 5 օր քննելուց հետո այսօր վճռեց անփոփոխ թողնել առաջին ատյանի որոշումը, այսինքն՝ կալանավորել։ Նրա պաշտպանական թիմը շուտով մամուլի ասուլիս հրավիրեց, նախ ընթերցվեց Քոչարյանի հայտարարությունը։
Քոչարյանը ներկա չէր ոչ միայն ասուլսին, այլեւ դատին։ Ըստ փաստաբանի՝ նա չսպասելով դատարանի վճռին՝ ինքուրույն գնացել է քրեակատարողական հիմնարկ ։ Իրենք, ասաց, պատրաստվում են բողոքարկել վճիռը այստեղ և եվրոպական դատարանում։
Պաշտպանական կողմը պնդեց, որ եղել են ճնշումներ դատարանի վրա․ իսկ որ օգոստոսին Քոչարյանը ազատ արձակվեց, Ռուբեն Սահակյանի կարծիքով, պատճառը քաղաքացիական արիությունն էր, մեկը ունի այն, մյուսը՝ նիխտ։
Ոստիկանությունը Պրահայում հայտնաբերել է Սերժ Սարգսյանի եղբորորդուն՝ Նարեկ Սարգսյանին։ Նա ներկայացրել է որպես Ֆրանկլին Գոնսալես՝ ցույց տալով Գվատեմալայի քաղաքացու կեղծ անձնագիր։ Նախկին նախագահի եբորորոդուն նկատմամբ քրեական գործ է հարուցվել մի քանի դրվագով՝ ապօրինի զենք, զինամթերք, թմրամիջոցներ ձեռք բերելու, պահելու համար։ Հուլիսի 24-ից նրան փնտրում էր ինտերպոլը։
Դոլարի փոխարժեքը նվազել է՝ 484 դրամ է, եվրոն ու բրիտանական ֆունը թանկացել են, եվրոն 551 դրամ է, ֆունտը՝ 618, ռուսական ռուբլու փոխարժեքը գրեթե անփոփոխ է՝ 7 ու 25 դրամ։
Հայաստանում դեկտեմբերի 8-ին սպասվում են տեղումներ: Օդի ջերմաստիճանն էապես չի փոխվի: Երևանում սպասվում է անձրեւ: Առաջիկա գիշերը մայրաքաղաքում կլինի +2+4, վաղը ցերեկը՝ +6+8 աստիճան:
