News
Լրահոս
News
Երկուշաբթի
Մայիս 20
Տեսնել լրահոսը

Դիլիջանում անցկացվել է Մաքսային միության անդամ պետությունների մաքսային ծառայությունների միավորված կոլեգիայի 29-րդ նիստը, որին մասնակցել են Հայաստանի, Ռուսաստանի, Բելառուսի, Ղազախստանի, Ղրղզստանի մաքսային ծառայությունների պատվիրակությունները՝ ծառայությունների ղեկավարների գլխավորությամբ, ինչպես նաև Եվրասիական տնտեսական հանձնաժողովի պատվիրակությունը: Այս մասին NEWS.am-ը տեղեկանում է Պետական եկամուտների կոմիտեի տեղեկատվության և հասարակայնության հետ կապերի բաժնից։

 Պետական եկամուտների կոմիտեի նախագահ Դավիթ Անանյանը բարձր է գնահատել գործընկեր պետությունների մաքսային ծառայությունների համագործակցության խորացմանը և արդյունավետության բարձրացմանն ուղղված քայլերը, ընդգծելով, որ մաքսային ծառայությունները մեծ դեր ունեն ինտեգրացիոն գործընթացներում. «Նիստի օրակարգում ընդգրկված են մաքսային գործի այնպիսի կարևորագույն ուղղություններ, ինչպիսիք են՝ ապրանքների հետբացթողումային հսկողության և մաքսային տարանցման, մաքսային արժեքի, ռիսկերի կառավարման առնչվող և այլ հարցեր: Ընդունված որոշումների արդյունքում մաքսային ծառայությունները մի շարք ուղղություններով կարող են միասնական մոտեցումներ մշակել»:

Նիստի ընթացքում ստորագրվել է 30 որոշում, որոնք վերաբերում են մաքսային գործի տարբեր ուղղություններին, մասնավորապես ԵԱՏՄ արտաքին տնտեսական գործունեության ապրանքային անվանացանկին համապատասխան որոշակի ապրանքների դասակարգմանը և հայտարարագրման առանձնահատկություններին, անձնական օգտագործման ապրանքների հետ կապված առանձին հարցերին, մաքսային ոլորտում ԵԱՏՄ ընդհանուր գործընթացներին միանալուն ուղղված աշխատանքների համակարգմանը, ԵԱՏՄ անդամ պետությունների օրենսդրությունների խախտման դեպքերը բացառելու նպատակով մաքսային տարանցում մաքսային ընթացակարգի ավարտման մասով լրացուցիչ միջոցների կիրառմանը: Քննարկվել են նաև լիազորված տնտեսական օպերատորի կողմից առաջնահերթության կարգով իրականացվող մաքսային գործառնությունների, ինչպես նաև մաքսային հսկողության երկուղի համակարգի կիրառման դեպքում անձնական օգտագործման ապրանքների հայտարարագրման որոշ հարցեր:

ՊԵԿ նախագահ Դավիթ Անանյանի տեղեկացմամբ՝ Հայաստանը ներկայացրել է նոր նախաձեռնություն էլեկտրոնային փաստաթղթերի փոխադարձ ճանաչելիության մասին. «Մեր երկիրը հաշվարկային փաստաթղթերի ամբողջական անցում է կատարել էլեկտրոնայինին։ Մենք նախաձեռնությամբ հանդես ենք եկել հանձնաժողովում՝ առաջարկելով, որ նույնը լինի նաև ԵԱՏՄ միասնական հարթակում: Այն կտա արագություն, մոբիլություն, թափանցիկություն»: Հարցը ներառվել է օրակարգում, և բոլոր երկրները հավանություն են տվել Հայաստանի նախաձեռնությանը։

Բարձր գնահատելով կատարված աշխատանքները, ՌԴ դաշնային մաքսային ծառայության ղեկավար Վլադիմիր Բուլավինն ընդգծել է, որ հանդիպումը ևս մեկ քայլ է մաքսային ծառայությունների համագործակցության ամրապնդման ուղղությամբ. «Նպատակն է՝ ամուր Մաքսային միություն ստեղծել ամբողջ եվրասիական տարածքում: Մեր ուշադրության կենտրոնում է մաքսային ձևակերպումների և մաքսային հսկողության գործընթացների դյուրացման, արագ կազմակերպման և բիզնեսին ուղղված վարչական ռեսուրսների կրճատման հարցերը»:

Բելառուսի մաքսային կոմիտեի նախագահ Յուրի Սենկոն, անդրադառնալով Բագրատաշենի անցակետ կատարած այցին, նշել է, որ տպավորված է կառույցի աշխատանքների արդյունավետ կազմակերպմամբ. «Հաճելի է, որ ԵԱՏՄ գործընկեր երկիրն ունի նման արդիականացված ենթակառուցվածք՝ բարձրակարգ մասնագետներով և վերազինված՝ ժամանակակից տեխնիկայով: Այն հնարավորություն է տալիս  բարձր արդյունավետությամբ ապահովել մեծ թողունակություն, ինչում համոզվել ենք մաքսակետում՝ նաև բելառուսցի բեռնափոխադրողների հետ զրույցի ժամանակ»:

Նիստում որոշում է ընդունվել Մաքսային միության անդամ պետությունների մաքսային ծառայությունների միավորված կոլեգիայի հաջորդ՝ 30-րդ նիստն անցկացնել 2019 թվականի առաջին եռամսյակում՝ ՌԴ-ում:

Բելառուսի մաքսային կոմիտեի նախագահ Յուրի Սենկոն ՊԵԿ նախագահ Դավիթ Անանյանին պարգևատրել է Բելառուսի մաքսային կոմիտեի կազմավորման 25-ամյակի մեդալով:

Տպել
Կարդացեք նաև
Ամբողջը
ԵՏՀ-ում քննարկել են ցեմենտի ընդհանուր շուկայի ստեղծման հարցը
նշվել են ցեմենտի ընդհանուր շուկայի ստեղծման կոնկրետ քայլերը, որոնք թույլ կտան ԵՏՄ պետություններին ցեմենտի փոխադարձ մատակարարումներն իրականացնել առանց խոչընդոտների…
ԵՏՄ-ում միասնական արժույթ մտցնելու ոչ մի անհրաժեշտություն չկա. Տատյանա Վալովայա
Դա մեզ հիմա բարցարձակապես ոչ մի տնտեսական առավելություն չի տալիս…
Կառավարությունը հավանություն տվեց «ԵՏՄ տարածք ներմուծված ապրանքների հետագծելիության մեխանիզմի մասին» համաձայնագրին
Համաձայնագրով սահմանվում է ԵՏՄ-ում հետագծելիության մեխանիզմի ստեղծման եւ գործունեության կարգը…
Ղազախստանի դեսպանը Հայաստան մեքենաներ ներկրելու մասին. ԵՏՄ-ում՝ բոլորի համար հավասար խաղի կանոններ
ԵՏՄ շրջանակում՝ խաղի հավասար կանոններ բոլոր համար...
Հայաստանը ԵՏՄ տարածքներում ունի արտահանման չօգտագործված հնարավորություններ․ Տիգրան Խաչատրյան
Նա նկատեց, որ եթե մի կողմից ՀՀ տնտեսությունը որոշակիորեն կարող է տուժել, քանի որ կան բարձր դրույքաչափերով ներկրվող ապրանքներ երրորդ երկրներից, մյուս կողմից, Հայաստանի տնտեսությունն ունի բազմաթիվ…
Մենք պետք է գցենք տեմպը ԵՏՄ-ում. Մամին
Առկա պատնեշների վերացումը թույլ կտա ավելացնել առեւտրի ծավալները...