News
Լրահոս
News
Հինգշաբթի
Օգոստոս 22
USD
475.94
EUR
528.1
RUB
7.2
ME-USD
0.13
Տեսնել լրահոսը

ԱՄՆ Կանզասի նահանգապետ Ջեֆ Քոլյերը դեկտեմբերի 7-ը հայտարարել է Սպիտակի երկրաշարժի հիշատակի օր․ տեղեկացնում է Հայաստանում ԱՄՆ դեսպանատունը։

Հռչակագրի տեքստը․

«Կանզաս նահանգ

նահանգապետի հռչակագիրը․

ՔԱՆԶԻ 30 տարի առաջ՝ 1988թ. դեկտեմբերի 7-ին, ժամը 11:41, տեղի ունեցավ Սպիտակի երկրաշարժը, որը պատճառեց աննախադեպ ավերածություններ՝ կործանարար վնաս հասցնելով ավելի քան երեք հազար քառակուսի կիլոմետր տարածքի, 21 քաղաքների և շրջանների, 342 գյուղական համայնքի, և

ՔԱՆԶԻ այս աղետի հետևանքները ահռելի էին և դրա հետևանքով ավելի քան 25.000 մարդ զոհվեց, 100.000-ից ավել մարդ վիրավորվեց և ավելի քան 500.000 մարդ տեղահանվեց, և

ՔԱՆԶԻ հայ ժողովուրդը զարմանալի քաջություն և անհավանական պահվածք ցուցաբերեց այդ օրերին՝ հաղթահարելով ամենասարսափելի հանգամանքները, և

ՔԱՆԶԻ Միացյալ Նահանգները այն ժամանակ, ինչպես և Կանզասը հիմա կանգնած են Հայաստանի Հանրապետության և հայ ժողովրդի կողքին ամենուր, և

ՔԱՆԶԻ մենք հիշում ենք այս ողբերգությունը, որպես իրադարձություն, որը փոխեց այն բոլոր մարդկանց կյանքերը, որոնց վրա այն անդրադարձավ,

ՈՒՍՏԻ ԱՅԺՄ, ԵՍ՝ ԿԱՆԶԱՍ ՆԱՀԱՆԳԻ ՆԱՀԱՆԳԱՊԵՏ ՋԵՖ ՔՈԼՅԵՐՍ՝ ևս մեկ անգամ հաստատելով Կանզաս նահանգի նվիրվածությունը Հայաստանի Հանրապետությանը և հայ ժողովրդին ամենուր, սույնով հռչակում եմ 2018թ դեկտեմբերի 7-ը Սպիտակի երկրաշարժի հիշատակի օր Կանզասում և կոչ եմ անում բոլոր քաղաքացիներին միանալ հիշատակի այս տուրքին: Մեր նահանգը և հայ ազգը միասին են համագործակցում խաղաղություն, բարօրություն և ազատություն ապահովելու համար:

ՍՏՈՐԱԳՐՎԱԾ Է՝ Տոպիկա քաղաքի Կապիտոլում Նահանգի մեծ կնիքի տակ 2018թ նոյեմբերի 28-ին»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երկրաշարժ Արցախում
Ստորգետնյա ցնցման ուժգնությունն էպիկենտրոնային գոտում կազմել է 5 բալ...
3-4 բալ ուժգնությամբ երկրաշարժ՝ Աշոցք գյուղից 9 կմ հյուսիս-արեւելք. հետեւել է 2.2 մագնիտուդով մեկ հետցնցում
Այսօր՝ օգոստոսի 21-ին, տեղական ժամանակով ժամը 14:20-ին (Գրինվիչի ժամանակով ժամը 10:20-ին) ՀՀ ԱԻՆ Սեյսմիկ պաշտպանության տարածքային…
Ադրբեջանում երկրաշարժ է գրանցվել․ ցնցումները զգացվել են նաեւ Հայաստանում
Ուժգին երկրաշարժը զգացվել է նաև Վրաստանի տարածքում, այդ թվում՝ մայրաքաղաքում…
Թուրքիայի արեւմուտքը ցնցվել է երկրաշարժներից. Կան տուժածներ
Ցնցումների հետեւանքով կան փլուզումներ եւ դրա հետեւանքով...
Թուրքիայում տեղի է ունեցել 5,8 մագնիտուդով երկրաշարժ
Հնարավոր տուժածների եւ ավերածությունների մասին տեղեկություններ չկան…
Գործադիրը 560 մլն հատկացրեց երկրաշարժից տուժած 61ընտանիքի բնակարանային խնդիրների լուծմանը
Արդյունքում, դեռևս 557 ընտանիք ունի բնակարանային խնդիր, որը նախատեսված է լուծել մինչև 2020 թվականի տարեվերջ…