News
Լրահոս
News
Երկուշաբթի
Մայիս 20
Տեսնել լրահոսը


ՀՀ ոստիկանոթյունը հրապարակել է տեսանյութ՝ ներկայացնելով նոյեմբերի 30-ին Ամիրյան փողոցի ծաղկի խանութներից մեկում կատարված ավազակային հարձակման բացահայտումը, կից տեղադրված է տեսանյութի տեքստը․

«Նոյեմբերի 30-ին Ամիրյան փողոցի ծաղկի խանութներից մեկում ավազակային հարձակում էր կատարվել: Շուրջօրյա գործող ծաղկի խանութ, լույսը դեռ չբացված, մի տղամարդ էր մտել, հարցուփորձ արել, որ ծաղիկն ինչ արժե, և երբ համոզվել էր, որ վաճառողուհին մենակ է, դանակի սպառնալիքով, հափշտակել էր դրամարկղի ողջ գումարը, բջջային ու քաղաքային հեռախոսներ, 3 վարդ և դիմել փախուստի: Կատարվածի վերաբերյալ ոստիկանության Կենտրոնական բաժնում տեղեկացան օպերատիվ կառավարման կենտրոնից: Վաճառողուհին սրահի տիրոջն էր զանգել, սրահի տերն էլ` ոստիկանություն: Քրեական հետախույզները Ամիրյան փողոց մեկնեցին: Դեպքի վայրի զննությունից հետո, տուժողը բաժին հրավիրվեց: «Միջահասակ էր, 40-ից 45 տարեկան, նիհար կազմվածքով, ռուսերեն էր խոսում, բայց ռուսի նման չէր»,- ասում էր վաճառողուհին: Ավազակային հարձակում կատարած անձին և գողոնը հայտնաբերելու ուղղությամբ քրեական հետախույզները անհետաձգելի որոնողական աշխատանքներ ձեռնարկեցին: Ականատես վկաներ հայտնաբերելու նպատակով, տարածքում օպերատիվ հարցումներ անցկացրին: Ուսումնասիրվեցին ծաղկի խանութի ու հարակից օբյեկտների տեսախցիկների տեսագրությունները: Տեսահսկող սարքերը ֆիքսել էին կասկածյալին: Նա էր, ում նկարագրել էր տուժողը: Անհրաժեշտ էր ճշտել անձնական տվյալները, գտնվելու վայրը և, որ ամենակարևորն էր, հայտնաբերել նրան: Տեսագրությունների վերծանումից քրեական հետախույզները մոտավոր պատկերացում կազմեցին կասկածյալի արտաքին նկարագրի վերաբերյալ: Հետագայում ոստիկանության Մաշտոցի բաժնի ծառայողների հետ համագործակցության արդյունքում, տեղեկություններ ստացվեցին, որ ավազակային հարձակումը հնարավոր է կատարած լինի Լենինգրադյան փողոցի բնակիչ Ժիրայր Գևորգյանը: Դեկտեմբերի 1-ին, ստացված տեղեկություններն իրացնելու արդյունքում, Գևորգյանը Լենինգրադյան փողոցում հայտնաբերվեց և բերման ենթարկվեց, սկզբում ոստիկանության Մաշտոցի, ապա Կենտրոնական բաժին»:

Տպել
Կարդացեք նաև
Ամբողջը
13-ամյա աղջկա հղիությանն առնչվող տեսանյութը կհեռացվի. ՄԻՊ
Պայմանավորվածությամբ՝ տեսանյութը կհեռացվի ամբողջությամբ․․․
Ահազանգը կեղծ էր․ Օպերայի շենքում պայթուցիկ սարք չի հայտնաբերվել
Ա. Սպենդարյանի անվան օպերայի և բալետի ազգային ակադեմիական թատրոնի շենքում իրականացրել է տեղազննում․․․
Կոպտորեն խախտվում է երեխայի գաղտնիության և անանուն մնալու իրավունքը․ Բաթոյանը` 13-ամյա աղջկա հղիության մասին
Հայաստանում երեխաների իրավունքների պաշտպանությունը յուրաքանչյուրիս անելիքն է․․․
Օպերայի շենքում ռումբի մասին ահազանգ է ստացվել
Այս պահին օպերա են ժամանում ոստիկանության և Արտակարգ իրավիճակների նախարարության ծառայողները․․․
Կիևյան կամրջի սկզբնամասում ВАЗ 21099-ը դուրս է եկել հանդիպակաց գոտի և բախվել Mitsubishi-ին. կան վիրավորներ (ֆոտո)
Վթարի հետևանքով ВАЗ 21099-ի վարորդն ու նրա ուղևոր, Երևանի բնակիչ Գագիկ Խաչատրյանը մարմնական վնասվածքներով տեղափոխվել են․․․
ԱՄՆ-ում ոստիկանությունը Վուդի Հարելսոնի նման գողին գտնելու համար օգտագործել է դերասանի լուսանկարը
Այդ միջոցն աշխատել է…