Ռուսաստանում անորոշ ժամանակով հետաձգվել է կառավարվող «խելացի» փամփուշտների ստեղծումը, որոնք կարող են իրենց թռիչքը ճշտել, հայտնել է «Ինտերֆաքսը»՝ վկայակոչելով պաշտպանական-արդյունաբերական համալիրում աղբյուրին:
«Այս հարցով անցկացվել են մի շարք տեսական հետազոտություններ: Դրանք ցույց են տվել, որ տեսանելի ապագայում այդ գաղափարի համարժեք իրականացումն անհնար է թվում»,- ասել է գործակալության զրուցակիցը: «Թեման առայժմ անորոշ ժամանակով հետաձգվել է»,- հավելել է նա:
2016 թվականին Հեռանկարային հետազոտությունների հիմնադրամի գլխավոր տնօրեն Անդրեյ Գրիգորեւը հայտարարել էր, որ Հիմնադրամը «կառավարվող փամփուշտներով հեռանկարային դիպուկահար ռեակտիվ համակարգի» ստեղծման աշխատանքներ է իկրականացնում: