Միացյալ Նահանգները ցանկանում է շարունակել Եմենի պատերազմում Սաուդյան Արաբիայի գլխավորած կոալիցիային աջակցությունը: Այս մասին հայտարարել է ԱՄՆ փոխպետքարտուղարի Պարսից ծոցի հարցերով տեղակալ Տիմոտի Լենդերքինգը, փոխանցում է Reuters-ը:
Անցյալ ամիս Սենատը քվեարկել էր ԱՄՆ ռազմական աջակցության դադարեցման մասին բանաձեւի օգտին, որը ներառում է զենքի առեւտուր եւ հետախուզական տվյալների փոխանակում:
«Մեզ վրա ճնշում են գործադրում՝ պահանջելով կա՛մ կոնֆլիկտից դուրս գալ, կա՛մ կոալիցիային մեր աջակցությունը դադարեցնել, սակայն վարչակազմը սրա հետ համաձայն չէ: Մենք իսկապես կարծում ենք, որ կոալիցիային աջակցությունն անհրաժեշտ է: Եթե աջակցությունը դադարեցնենք, սա սխալ կընկալեն»,- հայտարարել է նա: