Աֆղանստանի Պակտիկա նահանգի «Թալիբան» արմատական շաժումից «ստվերային նահանգապետ» Փիր Աղան սպանվել է նահանգի շրջաններից մեկում, հայտնում է The Khaama Press գործակալությունը:
Գործակալության տեղեկություններով՝ Փիր Աղան սպանվել է Գոմալ շրջանում անցկացված գործողության ժամանակ: Սպանվել են նաեւ եւս 4 թալիբներ:
Գործակալությունը հայտնում է, որ երկրի ՆԳՆ-ից հավելել են, որ Փիր Աղան «Թալիբանի» առանցքային ղեկավարներից մեկն էր, որը հիմնական դեր է խաղացել խոշոր ահաբեկչական հարձակումների ծրագրման եւ համակարգման գործում:
