News
Լրահոս
News
Չորեքշաբթի
Հունվար 23
Տեսնել լրահոսը

ՀՀ գլխավոր դատախազության աշխատանքային խումբը ուսումնասիրել և ամփոփել  է դեկտեմբերի 9-ի ժամը 13.00-ի դրությամբ ՀՀ Ազգային Ժողովի արտահերթ ընտրությունների քվեարկության գործընթացին առնչվող ենթադրյալ ընտրական հանցագործությունների վերաբերյալ ստացած  64 դեպքի մասին ահազանգ, որոնց ստուգման ուղղությամբ հետաքննության և նախաքննության մարմինների կողմից իրականացվել կամ իրականացվում են համապատասխան գործողություններ: Այս մասին հայտնում են ՀՀ Դատախազությունից։

Դեպքերից 11-ն արձանագրվել և հաշվառվել են ՀՀ գլխավոր դատախազության աշխատանքային խմբի շրջանակներում իրականացվող զանգվածային լրատվամիջոցների հրապարակումների մոնիթորինգի արդյունքում, իսկ 53-ի վերաբերյալ առերևույթ տվյալներն ստացվել են քաղաքացիների կողմից ոստիկանություն կամ դատախազություն ներկայացված դիմումներով և հաղորդումներով, ինչպես նաև ՀՀ ոստիկանության աշխատակիցների կողմից  ներկայացված զեկուցագրերով:

Նշվածներից 31 դեպքով քրեական գործ հարուցելու առիթի օրինականությունը և հիմքերի բավարար լինելն ստուգելու նպատակով ՀՀ քրեական դատավարության օրենսգրքի 180-181-րդ հոդվածներով սահմանված կարգով նախապատրաստվում են նյութեր: Դրանցից 27-ն առնչվում է մեկից ավելի անգամ քվեարկելու փորձին (ՀՀ քրեական օրենսգրքի 153 հոդված), 4-ը՝ ընտրական իրավունքի ազատ իրականացմանը խոչընդոտելուն (ՀՀ քրեական օրենսգրքի 149-րդ հոդված):   

Իսկ վերացական և ընդհանուր բնույթի տեղեկություններ պարունակող 33 դեպքով իրականացվել կամ իրականացվում են ստուգողական գործողություններ, որոնց արդյունքում մի մասով արդեն իսկ հերքվել են ներկայացված ենթադրյալ հանցագործության փաստերը և թողնվել անհետևանք:

Դրանցից՝ 7-ը վերաբերում ՝է ընտրողի ազատ կամքի իրականացմանը խոչընդոտելուն,

1-ը՝ քվեաթերթիկ հափշտակելուն,

2-ը՝ ընտրողների ցուցակները կազմելու կարգը խախտելուն,

1-ը՝ ընտրակաշառք տալուն,

1-ը՝ բարեգործության արգելքին, 

21-ը՝ այլ դեպքերի:

ՀՀ գլխավոր դատախազությունում գործող աշխատանքային խումբը շարունակում է ՀՀ ԱԺ արտահերթ ընտրությունների նախապատրաստման և անցկացման ընթացքում հնարավոր ընտրական իրավախախտումների վերաբերյալ ԶԼՄ հրապարակումները, քաղաքացիների հաղորդումները և ահազանգերը գրանցելուն և հաշվառելուն, հաղորդումների քննարկման և դրանց հիման վրա նախապատրաստվող նյութերի ու հարուցված քրեական գործերի նախաքննության նկատմամբ դատախազական հսկողության արդյունավետությունը բարձրացնելուն ուղղված աշխատանքները, որոնց հետագա արդյունքները կհրապարակվեն առաջիկայում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱԺ ընտրությունների մասին ԿԸՀ հաղորդումը ներկայացվել է խորհրդարան. Այն կընդգրկվի օրակարգում
ԱԺ օրակարգում չընդգրկված հարցերի շարքում կա եւս 5 հարց, որոնք մնացել են դեռ նախորդ Ազգային ժողովից...
Հայաստանում բարեփոխումներից ակնկալիքները հսկայական են․ դիտորդական առաքելության ղեկավար
«Բարեփոխումների եւ կյանքի պայմանների բարելավման հանդեպ ակնկալիքները մեծ են»․․․
ԿԸՀ նախագահին արդյոք մտահոգո՞ւմ է նորընտիր պատգամավորների անփորձությունը. Մուկուչյանի անձնական կարծիքը
«Այս փաստը, ինձ որպես Հայաստանի քաղաքացու, բացարձակապես չի անհանգստացնում, քանի որ այս խորհրդարանը․․․
Պատգամավորները հանդիսավոր արարողությամբ ստանում են մանդատները (ֆոտո)
Ալ. Սպենդիարյանի անվան օպերայի և բալետի ազգային ակադեմիական թատրոնում այս պահին ընթանում է հանդիսավոր արարողություն...
ԿԸՀ. Հայաստանի 7-րդ գումարման խորհրդարանի պատգամավորներին մանդատների հանձնումն ավելի շատ խորհրդանշական միջոցառում է
Հայաստանի 7-րդ գումարման խորհրդարանի պատգամավորներին մանդատների հանձնումն ավելի շատ խորհրդանշական միջոցառում է․․․
Սա «Իմ քայլի» քաղաքական որոշումն է. Գորգիսյանը՝ Փաշինյանի հայտարարության մասին
Որեւէ կերպ չի սահմանվում, որ առավել շատ ձայներ ստացած ընդդիմադիր քաղաքական ուժը պետք է ստանա այդ պաշտոնը...