Քաղաքագետ Ստեփան Դանիելյանը համոզված է՝ ընտրություններից հետո ձեւավորված խորհրդարանը ժամանակավոր եւ ճգնաժամային է լինելու: Այս մասին նա գրառում է կատարել իր ֆեյսբուքյան էջում։
«Ընտրություններից դեռեւս մի քանի շաբաթ առաջ որոշ փորձագետներին հետաքրքրում էր հիմնականում մասնակիցների տոկոսը:
Ինչո՞ւ: Քաղաքական համակարգը փլուզված է եւ մարդիկ առհասարակ կուսակցություններին չեն վստահում, այդ թվում նաեւ ՔՊ-ին: Մարդիկ քվեարկելու են ընդամենը Նիկոլի ցուցակի օգտին` ով որ քվեարկի: Մի հսկա զանգված չի մասնակցելու ընտրություններին ու դա հիմնականում գիտակցված քայլ է: Նիկոլի վարկանիշի անկման դեպքում անիմաստ է դառնում Նիկոլի ցուցակով կազմված խորհրդարանը: Պատահական չէր, որ ՔՊ-ի հիմնական կոչն այն էր, որ դուք ընտրում եք վարչապետ: Սակայն սա խորհրդարանի ընտրություն է, այլ ոչ թե վարչապետի: Փաստորեն խորհրդարանի ընտրությունը վերածվել է անձի ընտրության: Սա է այս ընտրությունների հիմնական կազուսը: Սա ժամանակավոր` ճգնաժամային պառլամենտ է լինելու։ Ընտրությունները պետք է գարնանը տեղի ունենային, հիմա անցկացնելը մեծագույն սխալ էր»,-նշել է քաղաքագետը։
