Թիվ 8/25 ընտրատեղամասի (31 դպրոց, Հ. Հովսեփյան 2) ընտրացուցակում հայտնաբերվել է ընտրող Ք.Թ.-ի տվյալները, ով արդեն 2 տարի մահացած է: Այս մասին ֆեյսբուքյան իր էջում հայտնել է ՀՅԴ տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը:
«Իսկ թիվ 8/29 ընտրատեղամասում (/136 մանկապարտեզ, Բագրատունյաց 16) ընտրողը առանց դրոշմանիշի ծրարը գցել է ընտրատուփի մեջ: Այնուհետև, ընտրողը բացահայտել է իր ընտրությունը և դուրս է եկել ընտրատեղամասից՝ զգուշացնելով, որ կբողոքի, եթե անվավեր ճանաչվի իր քվեարկությունը»,- գրել է Պարսյանը։
Սուրեն Պարսյանը գրել է նաև, որ ընտրախախտումն արձանագրվել է «Դաշնակցության» վստահված անձի կողմից։