Գերմանիայում երկաթգծի աշխատակիցների գործադուլի պատճառով հեռագնա գնացքների երթեւեկությունը դադարեցվել է, գրում է RT –ն՝ վկայակոչելով Deutsche Welle-ին:
Deutsche Welle-ն, հղում անելով Deutsche Bahn ընկերության ներկայացուցչին, հաղորդում է, որ աշխատանքը դադարեցվել է առնվազն մինչեւ գործադուլի վերջը, որը պաշտոնապես պետք է ավարտվի 09:00-ին:
Գերմանիայի շատ շրջաններում տարածաշրջանային երկաթգծային տրանսպորտի զանգվածային խափանումներ են նկատվում: Նյուրնբերգից չեղարկել են դեպի Վյուրցբորգ, Մյունխեն եւ Բեռլին ուղեւորվող գնացքները:
Բեռլինում վաղ առավոտից քաղաքամերձ էլեկտրական գնացքները չեն աշխատում:
Բացի այդ երկրում բեռնատար երկաթգծային տրանսպորտի աշխատանքի խափանումներ են նկատվում:
EVG արհմիությունը նախազգուշական գործադուլ է հայտարարել Deutsche Bahn-ի հետ սակագների վերաբերյալ ձախողված բանակցություններից հետո, նշում է հեռուստառադիոընկերությունը: