Բրիտանիան իրավունք կստանա միակողմանի կարգով հրաժարվելու Եվրամիությունից դուրս գալուց: Որոշումն ընդունել է Լյուքսեմբուրգում արդարադատության Եվրոպական դատարանը, նշված է գերատեսչության կայքում:
Նշվում է նաեւ, որ համաձայնագիրը հետ կանչելու հնարավորությունը գոյություն կունենա այնքան ժամանակ, քանի դեռ ԵՄ-ի եւ Բրիտանիայի միջեւ Եվրամիությունից դուրս գալու պայմանագիրն օրինական ուժի մեջ չի մտել կամ չի լրացել Եվրամիությունից դուրս գալու մասին իրազեկելուց հետո երկամյա ժամկետը:
Մեծ Բրիտանիան brexit-ը պետք է իրականացնի 2019 թվականի մարտի 29-ին: ԵՄ-ից կարգավորված դուրս գալու մասին համաձայնագրի նախագիծը հրապարակվել է նոյեմբերի 14-ին:
