Նաիրա Զոհրաբյանի հայտարարության հետ կապված դիմում չի եղել ԿԸՀ կամ տարածքային ընտրական հանձնաժողով։ Այս մասին այսօր՝ դեկտեմբերի 10-ին, լրագրողների հետ զրույցում ասաց ԿԸՀ նախագահ Տիգրան Մուկուչյանը։
«Խոսել ապացուցողական հիմքի մասին, որպես այդպիսին, առկա չէ։ Սակայն հայտարարությանը ծանոթանալուն պես ես անձամբ եմ կապ հաստատել Սյունիքի մարզպետի հետ, վերջինս միանշանակ պնդել է, որ նման խնդիր ընդհանրապես առկա չէ։ Ինքը նույնիսկ չի եղել որեւէ համայնքում, որեւէ ուղղորդում որեւէ մեկի նկատմամբ չի իրականացվել։ Տեղամասային ընտրական հանձնաժողովներում ուղղորդումների հետ կապված որեւէ դիտարկում, որեւէ հանգամանքի ներկայացում առկա չի եղել» ,-ասաց Մուկուչյանը։
Հիշեցնենք, որ Նաիրա Զոհրաբյան դեկտեմբերի 9-ին ֆեյսբուքյան ուղիղ եթերում հայտարարել էր, որ Սյունիքի մարզպետ Հունան Պողոսյանը քաղաքապետերին եւ համայնքապետերին հրահանգներ է տվել քաղաքացիներին ուղղորդել քվեարկել «Իմ քայլը» դաշինքի օգտին։
Վարչապետը չի հրահանգել Ձեզ՝ աշխատել «Իմ քայլը» դաշինքի օգտին. Զոհրաբյանը՝ Հունան Պողոսյանին
