Ազգային հակակոռուպցիոն հանձնախմբի կողմից Կուալա-Լումպուրում ձերբակալվել է Մալազիայի 1MDB պետական ներդրումային հիմնադրամի նախկին ղեկավար եւ գործադիր տնօրեն Արուլ Կանդան Կադասամին՝ հիմնադրամի գործունեության վերաբերյալ աուդիտորական հաշվետվության կեղծման մեղադրանքով, հաղորդում է «ՌԻԱ Նովոստին»՝ վկայակոչելով The Star-ին:
Արուլ Կանդան Կադասամին ձերբակալվել է երեքշաբթի առավոտյան հակակոռուպցիոն հանձնախմբի շենքում որպես վկա հարցաքննվելուց հետո:
Պաշտոնական մեղադրանքը նրան կներկայացվի չորեքշաբթի Մալայզիայի մայրաքաղաքի դատարանում, գրում է թերթը՝ նշելով, որ հիմնադրամի նախկին ղեկավարը մեղադրվում է հիմնադրամի աուդիտորական հաշվետվության մի քանի էջերը գողանալու եւ թաքցնելու մեջ:
Երկուշաբթի, այս մեղադրանքով, Կուալա Լումպուրում ձերբակալվել է նաեւ 1MDB հետ կապված Մալայզիայի նախկին վարչապետ Նաջիբ Ռազակը` հիմնադրամի ստեղծողը, որը անձամբ վերահսկում էր իր գործունեությունը պաշտոնավարման շրջանում:
Նաջիբ Ռազակին եւ նրա կնոջը՝ Ռոսմա Մանսորին եւ նրանց մի քանի օգնականներին փողերի լվացման եւ վստահության հանցավոր չարաշահման մի շարք կետերով մեղադրանքներ են ներկայացվել 1MDB հիմնադրամում լայնածավալ կոռուպցիայի կապակցությամբ, որից դրա գոյության ընթացքում ավելի քան 4,5 մլրդ դոլար է անհետացել:
