Եգիպտոսի գլխավոր դատախազությունը սկսել է դանիացի զբոսաշրջիկների անվայելուչ պահվածքի քննությունը: Պատճառը լուսանկարներն ու տեսանյութն է, որոնցում Դանիայից զույգը սիրով է զբաղվել Քեոփսի բուրգի գագաթին: Բացի այն, որ այնտեղ մուտքն արգելված է, զույգը նաեւ որոշել է անվայելուչ ֆոտոշարք ստեղծել:
Կադրերի հեղինակը դանիացի լուսանկարիչ Անդրեաս Հվիդն է: Նա հայտնի է իր՝ բարձր օբյեկտներում արված լուսանկարներով: Լուսանկարչի նոր աշխատանքը, սակայն, բազմաթիվ օգտատերեր չեն գնահատել՝ այն անվանելով օտար մշակույթի հանդեպ խայտառակ անհարգալից վերաբերմունք, փոխանցում է Vesti-ն: