Հայաստանի միակ ընդդիմադիր ուժը ՀՀԿ-ն է: Այս մասին դեկտեմբերի 11-ին լրագրողների հետ հանդիպման ժամանակ ասաց սոցիոլոգ Ահարոն Ադիբեկյանը:
Մնացածն, ըստ սոցիոլոգի, հեղափոխական են: Նա նշեց, որ «Լուսավոր Հայաստանը» հայտարարել է, որ «քաղաքակիրթ ընդդիմություն» կլինի:
«Ի՞նչ է նշանակում քաղաքակիրթ: Այսինքն նրանք չեն կռվելու, չեն չարախոսելու, ախր դա հիմարություն է», –ասաց Ադիբեկյանը:
Նրա կարծիքով, «Լուսավոր Հայաստանը» նույնպես չի կարող ընդդիմադիր լինել, քանի որ միշտ կենտրոնամետ եւ իշխանամետ քաղաքական ուժ էր: Ըստ նրա, նոր խորհրդարանում ընդդիմություն չկա եւ չի կարող լինել:
«Ուստի կարեւոր է արտախորհրդարանական ուժերի դերը: Մեզ մոտ բացարձակ ավտորիտար համակարգ կլինի», –եզրափակեց Ադիբեկյանը:
Հիշեցնենք, որ ԿԸՀ նախնական տվյալների համաձայն, Հայաստանի խորհրդարանական ընտրություններին մասնակցությունը կազմել է 48,63 տոկոս: Ընտրությունների արդյունքներով «Իմ քայլը», «Բարգավաճ Հայաստան» կուսակցությունը եւ «Լուսավոր Հայաստանը» կուսակցությունը անցնում են խորհրդարան: