Google ընկերությունը ռուսական օրենսդրությունը խախտելու համար տուգանվել է 500 000 ռուբլով։ Այս մասին հայտնել է Ռոսկոմնադզորի ղեկավար Ալեքսանդր Ժարովը՝ տեղեկացնում է ՏԱՍՍ-ը։

Google-ի դեմ գործը հարուցվել էր այն պատճառով, որ որոնողական համակարգը չի միացել արգելված կայքերի ռեեստրին՝ դրանց գործունեությունը խափանելու համար։

Որոնողական համակարգերը 2017թ․ օրենքով պետք է իրենց ցանկերից հանեն արգելված կայքերը, որոնք արգելված են նաեւ Ռուսաստանի տարածքում։ Մեկ տարի առաջ լրագրողներն ուշադրություն էին դարձրել, որ Google-ն ու Yandex-ը նման կայքերը հանել էին իրենց համակարգից։