Porsche ընկերությունը հրապարակել է Top 5 շարքի հերթական տեսանյութը, որում պատմում է իր առավել արագ մեքենաների մասին։ Ցանկում ներառվել են ամենաբարձր առավելագույն արագություններով սպորտային մեքենաները՝ 911 Turbo S-ն, 911 GT2 RS-ն եւ 918 Spyder սուպերհիբրիդը, փոխանցում է Motor-ը։
Հինգերորդ հորիզոնականում Porsche 911 Turbo S-ն է՝ հագեցած 3,8-լիտրանոց 607 ձիաուժ հզորությամբ տվին-տուրբոյով։ Այն ունակ է ժամում մինչեւ 330 կիլոմետր անցնել։ Չորրորդ հորիզոնականում 15 տարվա Carrera GT-ն է՝ ժամում 334 կմ անցնելու հնարավորությամբ։ Երրորդում 959 S-ն է։
Երկրորդում 700 ձիաուժ 911 GT2 RS-ն է, որը մինչեւ 100 կիլոմետրը անցնում է 2,8 վայրկյանում, իսկ առավելագույն արագությունը ժամում 340 կիլոմետր է։ Հնգյակում «հաղթողը» 918 Spyder սուպերհիբրիդն է՝ ժամում 345 կմ անցնելու հնարավորությամբ։