Կանադացի նախկին դիվանագետը, ով այժմ համագործակցում է «Միջազգային ճգնաժամային խմբի» (ICG) հետ, Չինաստանում կալանավորվել է՝ տեղեկացնում է ՌԻԱ Նովոստին։
Կազմակերպությունը Hong Kong Free Press կայքին հայտնել է, որ Մայքլ Կովրիգը ծառայողական գործուղման մեջ է եղել, երբ նրան կալանավորել են։
2014-2016թթ․ Մայքլ Կովրիգը Պեկինում Կանադայի դեսպանության փոխհյուպատոս է եղել, որից հետո Հոնկոնգում Կանադայի գլխավոր հյուպատոսությունում՝ հյուպատոս։
Նախկին դիվանագետի կալանավորումը տեղի է ունեցել չին-կանադական հարաբերությունների սրման ֆոնին։ Հիշեցնենք, որ դեկտեմբերի 1-ին Վանկուվերում ձերբակալվել էր չինական Huawei ընկերության հիմնադրի դուստր եւ ֆինանսական տնօրեն Մեն Վանչժոուն, ով իբր փորձել է շրջանցել Իրանի հանդեպ ԱՄՆ պատժամիջոցները։