Կոնեկտիկուտի համալսարանը պատրաստվում է մարիխուանայի արտադրության դասընթաց մտցնել: Այն, ինչ ժամանակին քոլեջի ուսանողների համար վիթխարի խնդիր էր, հիմա կարող է վերածվել հեռանկարային կարիերայի, հայտնում է Hartford Courant պարբերականը:
Այս նորությունն արդեն հասցրել է աղմուկ բարձրացնել:
«Մեզ մոտ տեղերն արդեն սպառվել են, որովհետեւ համալսարանի կեսը, հնարավոր է, գրանցվի այդ դասընթացին: Այս դասընթացին ավելի շատ ուսանողներ կլինեն, քան երկու քննաշրջանում ամբողջ բաժանմունքում»,- Hartford Courant պարբերականին հայտնել է պրոֆեսոր Գերարդ Բերկովիցը:
Բերկովիցը, որը բուսաբանության գիտական կոչում ունի եւ դասախոսություն է կարդալու մարիխուանայի աճեցման մասին, հայտնել է, որ իր դասերին գրանցվել է 400-ից ավելի մարդ: