Չինաստանի Հունան նահանգի Չանշա քաղաքում բժիշկներին հաջողվել է փրկել 49-ամյա բանվորի կյանքը, որի մարմնում տասնյակ պողպատյա ձողեր են եղել, հայտնում է Daily Mail–ը։
Տուժածը վնասվածքը ստացել է Չժուչժոու քաղաքի ճենապակու գործարանում գիշերային հերթափոխով աշխատելու ժամանակ։ Նրա կողքին ընկած արդյունաբերական ռոբոտ–մանիպուլյատորից 30 սանտիմետր երկարությամբ եւ 1.5 սանտիմետր տրամագծով սուր ձողեր են դուրս թռչել։ Դրանցից մեկը խրվել է բանվորի կրծքավանդակի մեջ, 8-ն ներթափանցել են նրա աջ ձեռքը, իսկ վերջինը հարվածել է ուսին՝ անցնելով կարեւոր նյարդային հանգույցի կողքով մեկ միլիմետր հեռավորությամբ։
Գործընկերները տղամարդուն հասցրել են տեղի հիվանդանոց, որտեղից նրան ուղարկել են նահանգի վարչական կենտրոնի հիվանդանոց։ Ձողերի պատճառով նա չի կարողացել պառկել ոչ մեջքի, ոչ որովայնի վրա։ Նրա վերքերը մշակել են տասից ավելի բուժքույրեր ու բժիշկներ։ Վաղ առավոտյան բանվորին վիրահատել են եւ հաջողությամբ հանել բոլոր ձողերը։ Այժմ նրա վիճակը գնահատվում է կայուն։