Բրուքհեվենի ազգային լաբորատորիայի աշխատակիցները օգտագործել են ծանր իոնների ռելատիվիստական քոլայդերը քվարկ գլյուոնային պլազմայից կաթիլ ստանալու համար, որը գոյություն է ունեցել Մեծ պայթյունից հետո առաջին ակնթարթների ընթացքում, փոխանցում է Planet Today–ը։
Քվարկ–գլյուոնային պլազման փաստացի զրոյական մածուցիկություն ունի, այդ պատճառով այս նյութը կարելի է իդեալական հեղուկ անվանել։
Համարվում է, որ Մեծ պայթյունից հետո առաջացած քվարկ գլյուոնային պլազման արագորեն կորցրել է ջերմաստիճանը, որի հետևանքով սկսվել է, այսպես կոչված, հադրոնիզացիան՝ գունավոր քվարկներից, գլյուոններից և հակաքվարկներից անգույն հադրոնների սինթեզը, այսինքն՝ մասնիկներից, որոնք ցածր ջերմաստիճանի ժամանակ չեն կարող գտնվել ազատ վիճակում։