Մեր կանխատեսումը, որ մոտ 2 տարի հետո լինելու է նոր խորհրդարանի անհրաժեշտություն, մեր կարծիքով այդ անհրաժեշտությունն ավելի շուտ է ծագելու, որովհետեւ ավելի հիվանդ խորհրդարան է լինելու: Այս մասին, այսօր՝ դեկտեմբերի 12-ին, դատարանում, լրագրողների հետ զրույցում նշեց «Սասնա ծռեր» կուսակցության անդամ վարուժան Ավետիսյանը:
Նա նշեց, որ մեծ բանավեճի ժամանակ վարչապետի պաշտոնակատար Նիկոլ Փաշինյանն էլ է ընդունել, որ եթե անհրաժեշտություն առաջանա եւ ժողովուրդը ցանկանա, կարող են լինել արտահերթ զարգացումներ:
Դիտարկմանը, թե ամեն 1-2 տարին մեկ նոր ընտրություններ անցկացնելը անկայունություն են առաջացնում, այդ թվում վնասում են ներդրումներին, նա արձագանքեց. «Որքան հաճախ ընտրություն լինի, ժողովրդի կամքն արտահայտվի, այնքան երկիրը կայուն եւ ժողովրդավար կլինի: Շվեյցարիայում տարեկան մի քանի հանրաքվե է տեղի ունենում: Բավական է խաբել ժողովրդին ու վախեցնել բոբոներով»: