News
Լրահոս
News
Երեքշաբթի
Մարտ 19
Տեսնել լրահոսը

Նոր Ազգային ժողովի առաջին նիստը տեղի կունենա հունվարի 7-ին: Այս մասին NEWS.am-ին հայտնեց «Քաղաքացիական պայմանագիր» կուսակցության վարչության անդամ, ԿԸՀ-ում «Քաղաքացիական պայմանագիր» կուսակցության ներկայացուցիչ Վահագն Հովակիմյանը:

Նա հիշեցրեց, որ ԿԸՀ-ն ԱԺ ընտրությունների արդյունքներն ամփոփելու է քվեարկությունից հետո 7-րդ օրը՝ դեկտեմբերի 16-ին. «ԱԺ ընտրությունների արդյունքները կարող են բողոքարկվել ԿԸՀ-ի համապատասխան որոշումը կայացնելուց հետո 5-րդ օրը՝ դեկտեմբերի 21-ին, մինչև 18.00-ն (ՀՀ ԸՕ սահմանադրական օրենք 102-րդ հոդված, ՀՀ ՍԴ մասին սահմանադրական օրենք 77-րդ հոդվածի 2-րդ մաս): Այսինքն դեկտեմբերի 21-ի ժամը 18.00-ից հետո նոր միայն պարզ կլինի ԱԺ ընտրություններ ՍԴ-ում բողոքարկվել են, թե՝ ոչ»,-ասաց Հովակիմյանը:

Եթե ընտրությունների արդյունքները չեն բողոքարկվում ՍԴ, ապա, ԱԺ պատգամավորի մանդատները տրամադրում է ԿԸՀ-ն՝ արձանագրությամբ, որը ԿԸՀ-ն կարող է կազմել միայն ընտրությունների արդյունքների բողոքարկման համար նախատեսված ժամկետի ավարտից հետո՝ դեկտեմբերի 22-ից սկսած:

Վահագն Հովակիմյանը նկատեց, որ դեկտեմբերի 22-ը և 23-ը ոչ աշխատանքային օրեր են՝ շաբաթ ու կիրակի. «Այսինքն, պատգամավորի մանդատների տրամադրման արձանագրությունը կազմելու նպատակով ԿԸՀ-ն նիստ կարող է գումարել դեկտեմբերի 24-ից սկսվող աշխատանքային օրերին: Ոչ աշխատանքային օրերին ԿԸՀ նիստերը գումարվում են Սահմանադրությամբ կամ ՀՀ ԸՕ սահմանդրական օրենքով սահմանված ժամկետները պահպանելու դեպքում: Ավելին, պատգամավորի թեկնածուներին գոնե երկու-երեք օր ժամանակ պետք է տրվի՝ ինքնաբացարկներ ներկայացնելու համար: Ըստ այդմ, ԿԸՀ-ն մանդատների տրամադրման արձանագրությունն ամենաշուտը կարող է կազմել դեկտեմբերի 24-ից 28-ն ընկած աշխատանքային օրերի ընթացքում: Մանդատները տրամադրելու արձանագրության հետ միաժամանակ ԿԸՀ պետք է որոշում կայացնի ԱԺ առաջին նիստի օրվա վերաբերյալ (ՀՀ Սահմանդրություն 90-րդ հոդված 5-րդ 6-րդ մասեր, ՀՀ ԱԺ Կանոնակարգ սահմանդրական օրենք 32-րդ հոդվածի 2-րդ մաս):

Այս ամենի արդյունքում նոր խորհրդրարանի առաջին նիստը կգումարվի հունվարի 7-ին ժամը 10.00-ին»,-հայտարարեց ՔՊ ներկայացուցիչը:

Իսկ եթե այդուհանդերձ, ԱԺ ընտրությունների արդյունքները ՍԴ-ում բողոքարկվեն, այդ դեպքում ՍԴ-ն 15 օրվա ընթացքում, այսինքն դեկտեմբերի 22-ից մինչը 2019 թ. Հունվարի 5-ն ընկած ժամանակահատվածում պետք է որոշում կայացնի:

«Ըստ այդմ, նորընտիր ԱԺ-ի առաջին նստաշրջանը կարող է տեղի ունենալ 2019 թ. հունվարի 14-ին կամ 21-ին»,-ասաց Հովակիմյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Tesla-ն էլեկտրամոբիլների մատակարարման ռեկորդ է սահմանել
Տարվա ընդհանուր մատակարարումները կազմում են 936 172 միավոր, 87%-ով ավելի․․․
«Հայաստան» դաշինք. Նախատեսում ենք հանդիպել Շիրակի մարզի բնակիչների հետ
«Հայաստան» դաշինքի համամասնական ցուցակի երեք առաջնորդները միաժամանակ քարոզչություն կիրականացնեն տարբեր վայրերում...
Հրապարակվել է ՀՀ ԱԺ արտահերթ ընտրությունների դիտորդական առաքելության ամոփիչ զեկույցը
«Ականատես» դիտորդական առաքելությունն առաջին անգամ իրականացրել է երկարաժամկետ դիտորդություն, որի ընթացքում 35 երկարաժամկետ դիտորդներ...
Որոշ հանձնարարականներ դեռ մնում են չկատարված. ԵԱՀԿ/ԺՀՄԻԳ զեկույցը՝ 2018-ի ԱԺ ընտրությունների մասին
Զեկույցի հեղինակներն ընդգծվում է, որ կուսակցություններն ու դաշինքները հնարավորություն են ունեցել ազատ քարոզարշավ իրականացնել. միավորումներ կազմելու, խաղաղ հավաքների, արտահայտման եւ տեղաշարժի…
ԿԸՀ նախագահ. Հայաստանում ընտրական գործընթացի ժամկետի խախտումներ չեն գրանցվել
ԿԸՀ-ն սեղմ ժամկետում է նախապատրաստվել արտահերթ խորհրդարանական ընտրություններին, ասել է Տիգրան Մուկուչյանը...
ՍԴ-ում ընտրությունների արդյունքների բողոքարկումը Հայաստանի ընտրական մշակույթի մաս էր. ԿԸՀ
Նա նշեց, որ սահմանադրական վիճարկման փուլում անգամ դեպքեր են եղել,երբ ոչ միշտ է պատշաճ ապացուցողական բազա ներկայացվել....
Ամենաշատ