Թուրքիայում տիեզերական գործակալություն է ստեղծվել, նախագահ Թայիփ Էրդողանի համապատասխան հրամանի տեքստը հրապարակվել է պաշտոնական Resmi Gazete պարբերականում, փոխանցում է «ՌԻԱ Նովոստին»։ «Նախագահի աշխատակազմի որոշմամբ ստեղծվում է թուրքական տիեզերական գործակալություն»,–ասված է հրամանում։
Հրամանը սահմանում է նոր մարմնի կանոնադրությունն ու լիազորությունները։ Թուրքիայի տիեզերական գործակալությունը կունենա սեփական բյուջեն եւ վարչական եւ ֆինանսական հարցերում կգործի ինքնուրույն։ Գործակալությունը պատասխանատու կլինի Ազգային տիեզերական ծրագրերի մշակման եւ իրականացման համար։