Ավստրալիայի բնակչուհին արթնանալով անկողնում հայտնաբերել է պիթոնի, հեռացրել է սողունին ու շարունակել է քնել, փոխանցում է Daily Mail-ը։
Քվինսլենդ նահանգի Պորտ Դուգլաս քաղաքում բնակվող Կատյանա Շոյերը գիշերը անսովոր սառնություն է զգացել մեջքի հատվածում, շրջվել է եւ կողքին 4 մետր երկարությամբ պիթոնի հայտնաբերել։ 25-ամյա Շոյերը խոստովանել է, որ այդ պահին սարսափելի վախեցել է։ Այնուամենայնիվ, նա խուճապի չի մատնվել՝ վերցրել է ձկնորսական նիզակը եւ օձին դրա միջոցով տարել աղբամանը։ Նրա խոսքով՝ պիթոնը 20 կգ է կշռել։
Հաջորդ առավոտ նա վերցրել է աղբարկղը, գնացել մոտակա անտառ ու օձին բաց թողել։
