AnTuTu-ի մասնագետները ներկայացրել են Android օպերացիոն համակարգով ամենարագ սմարթֆոնների  հերթական վարկանիշային ցուցակը, հաղորդում է Planet Today-ը:

Առաջին երեք հորիզոնականները զբաղեցնում են Huawei Mate 20 շարքի հեռախոսները:

Չինական Huawei էլեկտրոնային սարքեր արտադրողի Mate 20 սմարթֆոնները հիմնված են ֆիրմային միաբյուրեղ Kirin 980 համակարգի վրա, որը, ինչպես երեւում է, Android էկոհամակարգում ամենահզորն է:

Huawei Mate 20-ի շարքի ամենաարդյունավետ ներկայացուցիչը՝ Pro ինդեքսով մոդելը AnTuTu թեստում 305.5 հազար բալ է հավաքել։ Երկրորդ հորիզոնականում  բազային Mate 20–ն է՝ 304.3 հազար բալով, երրորդում՝ Mate 20 X–ն է, որն հավաքել է 301.6 հազար բալ։

Asus ROG Phone սմարթֆոնը, որը հոկտեմբերին  AnTuTu–ի վարկանիշային ցուցակում 2-րդ տեղում էր, տեղափոխվել է 4-րդ հորիզոնական՝ հավաքելով 297 հազար բալ։ Հինգերորդ ու վեցերորդ հորիզոնականներում  OnePlus 6T–ն (295.2 հազար բալ) ու OnePlus 6–ն (293.7 հազար բալ) են։

Տասնյակում են նաեւ Xiaomi Mi Black Shark–ը, Xiaomi Mi 8–ը, Xiaomi Mi MIX 2S–ը եւ Meizu 16th–ը, որոնք հավաքել են 291-ից 286 հազար բալ։