«Իրանցի ներդրողների մարտահրավերները Վրաստանում» բիզնես-համաժողովը, որ Թբիլիսիի «Բիլտմոր» հյուրանոցում նախատեսված էր անցկացնել դեկտեմբերի 14-ին, տապալվել է։ Ինչպես տեղեկացնում է «Գրուզիա-օնլայն»-ը, միջոցառումը կազմակերպել էր Վրաստանում իրանցի ներդրողների միությունը։
Կազմակերպության նախագահ Մուհամմեդ Խալեկի տեղեկատվության համաձայն՝ հանաժողովը հետաձգվել է այն պատճատով, որ վերջին ժամանակներում հաճախակիացել են Իրանի քաղաքացիներին Վրաստան մուտք գործելու արգելման փաստերը։
Նշենք, որ վերջին ժամանակներս Վրաստանի իշխանությունները բազմիցս մերժել էին իրանցիների մուտքը երկիր։ Թբիլիսիի օդանավակայանում Իրանի քաղաքացիների հետ կապված միջադեպերը Թեհրանի դժգոհությունն էին առաջացրել։