ԱՄՆ-ը Հունգարիային կոչ է արել կարգավորել հարաբերություններն Ուկրաինայի հետ եւ ՆԱՏՕ-ի հետ Կիեւի համագործակցության արգելափակման փորձեր չանել՝ հայտարարելով, որ «եթե Ուկրաինան անհաջողության մատնվի, Հունգարիան կհայտնվի ռուսական ագրեսիայի առաջնագծում»՝ տեղեկացնում է Reuters-ը։
Հունգարիան Ուկրաինային մեղադրում է երկրում հունգար փոքրամասնության կրթական իրավունքները խախտելու մեջ։ Բուդապեշտը սպառնացել է վրեժխնդիր լինել՝ արգելափակելով ՆԱՏՕ-ի եւ Եվրամիության հետ մերձենալու Կիեւի փորձերը։
Հունգարիայում ԱՄՆ դեսպան Դեւիդ Կորնշտեյնը հայտարարել է, որ Հունգարիան ավելին կարող է անել «Դաշինքի առաջնահերթությունների» համար։ Նա հավելել է, որ լավագույն միջոցը Ուկրաինայի հետ բանակցելն է, այլ ոչ թե ՆԱՏՕ-ի հետ նրա հարաբերությունները խափանելը։
Ավելի վաղ ՆԱՏՕ-ի գլխավոր քարտուղար Ենս Սթոլթենբերգը Ուկրաինայի նախագահ Պյոտր Պորոշենկոյին հայտարարել էր, որ այս ամիս պաշտպանական սպառազինություն կտրամադրվի Ուկրաինայի զինված ուժերին։