Եգիպտոսում ձերբակալվել են տղամարդ եւ կին, ովքեր երկու դանիացիների օգնել են բարձրանալ Գիզայում Մեծ բուրգի վրա, որտեղ նրանք մերկ նկարվել են՝ տարակուսանք առաջացնելով երկրում՝ տեղեկացնում է AFP-ն։
Երկրի ՆԳՆ-ն հայտնել է, որ կինը դանիացիներին ծանոթացրել է ուղտի տիրոջ հետ, ով նրանց 4000 եգիպտական ֆունտի դիմաց նոյեմբերի 29-ի գիշերը տարել է դեպքի վայր։ Նրանք ընդունել են իրենց մեղքը եւ կպատժվեն։
«Գիզայում հզոր բուրգի հաղթահարումը» անվանմամբ տեսանյութում դանիացի լուսանկարիչ Անդրես Խվիդն է՝ մի կնոջ հետ, ով հանում է բլուզը։ Նա պատմել է, որ դա նկարահանվել է նոյեմբերին եւ YouTube-ում տեղադրվել դեկտեմբերի 8-ին, ինչը Եգիպտոսի դատախազության կողմից հետաքննություն սկսելու պատճառ է դարձել։